Gobièrnu tin atenshon pa alumnonan ku ta hasi uso di transporte públiko - Informashon tokante Gobièrnu di Kòrsou Bo opinion

Notisia

Gobièrnu tin atenshon pa alumnonan ku ta hasi uso di transporte públiko

Geplaatst op 10 September 2018 dor di Ministerio Enseñansa, Siensia, Kultura & Deporte

WILLEMSTAD – Ministerio di Enseñansa, Siensia, Kultura i Deporte, resientemente a risibí un karta di un kantidat di alumno di Maria Immaculata Lyceum (M.I.L.) tokante nan prekupashon relashoná ku transporte públiko pa skol. 
 
Ya pa algun tempu kaba, gobièrnu a introdusí un “Smartcard”. Ku e karchi di miembresía aki, hóbennan di 17 aña i bai riba, por bai skol ku konvoi i bai bèk kas ku konvoi riba gastu di gobièrnu. Apesar di gobièrnu su afan pa yuda i fasilitá nos hóbennan, a bin konstatá ku e orarionan di salida i yegada di e konvoinan no ta na kumbinensia di e alumnonan ku ta biba den area di Banda Bou. E alumnonan tin ku lanta na orario ourora pa alkansá busnan ku ta kore mardugá o mainta tempran, miéntras skol su portanan ta habri ofisialmente 7am. Alabes alumnonan a indiká ku na momentu ku e konvoi ta yen, nan tin ku warda pa e siguiente konvoi, ku konsekuensia ku nan ta yega skol lat. Mes un situashon ta presentá na momento di bai kas mèrdia, e alumnonan tin ku warda hopi ora riba e konvoi. Tur esakinan por tin impakto riba prestashon di e alumnonan.
 
Gobièrnu a tuma nota di e situashon ariba menshoná i tin atenshon pa esaki i ta hasiendo e ahustenan nesesario pa remediá e situashon aki pa ku transporte eskolar.
 
**********************************************************************

Ministerio konserní