Publiká riba 26 Yanüari 2018
Grandi i Chikï, NOS tur ta prevení!”
Ministerionan di Gobièrnu di Kórsou ku ta enkargá ku organisashon di vários aspekto pa ku e.o. karnaval i seu a uni huntu den un kampaña di informashon i konsientisashon pa públiko en general. Ku e slogan “Grandi i Chikï, NOS tur ta prevení!” nos ke informá i konsientisá komunidat kompletu pa ban gosa di e ambiente di karnaval di un forma positivo i ku prevenshon na promé lugá.
E ministerionan ku ta partisipá ta Ministerio di Salubridat, Medio Ambiente & Naturalesa, Ministerio di Enseñansa, Siensia, Kultura & Deporte, Ministerio di Tráfiko, Transporte & Planifikashon Urbano, Ministerio di Hustisia i Ministerio di Asuntunan General. E servisionan manera Sektor di Kultura & Deporte, Brandweer, Ambulans, Medio Ambiente i Naturalesa, Departamentu Salú Hubenil, Higiena Tékniko, Direktorado Kontrol di Riesgo & Maneho pa Kalamidat. Polisial, Prekario i otro mas ta huntu den e kampaña aki pa informa komunidat.
Den kuadro di e kampaña aki awe e tim ta lansá su Facebook Page na unda komunidat di Kòrsou por risibi diferente teps di prevenshon relashoná ku e periodo di Karnaval 2018. Nos ke invitá un i tur pa LIKE e Facebook Page aki: www.facebook.com/prevenshondigobiernu paso