‘Hostmanship’ tambe ta un bon instrumento pa yega na SDKK Nòrmal Nobo - Informashon tokante Gobièrnu di Kòrsou Bo opinion

Notisia

‘Hostmanship’ tambe ta un bon instrumento pa yega na SDKK Nòrmal Nobo

Geplaatst op 01 June 2020 dor di Ministerio Hustisia

Willemstad – Na luna di yanüari último tres personal di Sentro di Detenshon i Korekshon Kòrsou, sra Sh. Llewellyn, sra. L. Gibbes-Roojer i sr. R. Overman, a haña e oportunidat di por a partisipá na e treinen di trein the treiner di Hostmanship. E treinen aki ta spesial pa entre otro siña e personal ku ta laborá na barak ilegal kon pa atendé ku e personanan ilegal ku ta hospedando den SDKK.

Hostmanship ta para pa: “E abilidat di laga un hende sinti su mes bon i biní”. E bon biní aki, den SDKK, ta unu temporal, pa asina e persona ilegal por trankilisá su mes i prepará den un forma relámpago pa bai bèk su pais di orígen.

Mester bisa ku tur e tres personanan ariba menshoná a haña nan sertifikado/diploma ku nan por sigui distribuí e kontenido di Hostmanship den SDKK i posibel otro departamentunan di e ministerio di Hustisia.

E personal di barak ilegal di SDKK a sigui e kurso aki serka e tres personanan aki i segun nan propio eksperensia e kurso aki ta konta pa henter SDKK, ya ku e kontenido por wòrdu usá paden i pafó di SDKK.

Un di e metanan prinsipal pa ekspandé e kontenido di e treinen mas lihé ku ta posibel den SDKK ta pa hasi e trabou mas plasentero pa tur esnan konserní den SDKK. Prizon no ta sinónimo di mal trato. Prizon ta sinónimo di detené i korigí den tur forma.

Ora nos para ketu na e mishon i vishon di SDKK kual ta e kuadro di referensia ku nos ta sali for di dje pa ehekutá nos trabou diariamente, i nos apliká Hostmanship den nos trabou, e personal a mira riba término kòrtiku ku esaki a influensia positivamente e manera kon ta eksperensia i balorá trabou di e otro koleganan den henter e kadena hudisial. Esaki lo trese mas komprondementu den e manera kon kosnan ta bai i tin di bai. E manera di komuniká tambe ta wòrdu di influensiá positivamente.

Den e fase di de eskalá, SDKK ta hasiendo uso di e konosementu di Hostmanship pa asina den e tempu distansia sosial i wòrdu deprivá di diferente posibilidatnan ku tabata nòrmal, trese un mihó komprondementu pa por trese un mihó “trato humano” pa ku klientenan en general.

Tim di Maneho di SDKK ta apresiá e trabounan di kordinashon aki ku sra Llewellyn, Roojer i sr Overman ta hasiendo, hasiendo uso di Hostmanship pa de eskalá den un SDKK Nòrmal Nobo.

 

Ministerio konserní