Publiká riba 18 Mart 2022
Willemstad- Djabièrnè 18 di mart 2022, sr. Shalten Hato a huramentá komo minister di Hustisia den Gabinete Pisas. Durante e último 9 lunanan ku e Gabinete ta sintá, nos Promé Minister, sr. Gilmar Pisas, adishonalmente tabata asumí e responsabilidatnan komo Minister di Hustisia tambe.
Ku e huramentashon di sr. Hato komo Minister di Hustisia, Gabinete Pisas awor ta kompleto ku un (1) minister na kabes di kada un di e 9 ministerionan di Gobièrnu di Kòrsou. Huramentashon di sr. Hato komo minister di Hustisia a tuma lugá den presensia di Gobernador di Kòrsou, Su Ekselensia Lucille George-Wout.
