Publiká riba 01 Mart 2018
Despues ku siman pasá e programa informativo di Ministerio di Hustisia, Hustisia, Seguridat i Abo a trata e tema di: trafikashon di hende, e siman aki lo sigui ku otro tópiko aktual. Awe djaweps 1 di mart lo tei presente den e programa señor Etienne Caciano, señor Sherman Hooi i Rubylyn Nicasiadi Duana. Durante di e entrevista lo trata e tema tareanan di Duana na aeropuerto i e prosesonan pa control fiskal i no fiskal. Sintonisá pa asina bo keda na altura preguntanan ku lo wòrdu kontesta ta kon mi por sa kuantu mi tin ku paga na impuesto ora mi bin bèk fo’i fakansi ku produktonan ku mi a kumpra? Ki proseso mi mester enkaminá pa laga trese un animal Kòrsou? Mi por biaha i drenta Kòrsou ku remedi?
Hustisia, Seguridat i Abo
Hustisia, Seguridat i Abo ta un programa informativo di Ministerio di Hustisia kaminda tur siman ta skohe temanan ku ta relatá ku hustisia i seguridat. Ta transmití e programa aki di seis or’ di atardi pa shet’or di anochi na Radio Direct riba e frekuensia 107.1. Si durante di e programa un oyente tin pregunta pa e invitadonan riba e tema ku ta tratando, e por yama libremente riba 888-4107 i e entrevistadónan lo tene kuenta ku esaki. Kòrda like nos página riba Facebook Hustisia, Seguridat i Abo pa bo por keda informá.
Sintonisá, pa bo keda na altura di tur loke ta trata hustisia na Kòrsou!
