Imágennan di drone pa área di Julianadorp, Jandoret i Kleinhofje
Publiká riba
17 Desèmber 2024
Willemstad – Den kuadro di e renovashon planifiká di e planta di tratamentu di awa di riol na Kleinhofje, Ministerio di Tráfiko, Transporte i Planifikashon Urbano ta saka imágenan di drone for di 16 di desèmber te ku 29 di desèmber pa por haña un bistá detayá di e área rondó Julianadorp, Jandoret i Kleinhofje.
E imágennan di drone ta forma un parti esensial di e trabou preparatorio, pa duna un bista di e infrastruktura rondó di e planta i pa garantisá un planifikashon eksakto. E método inovativo aki ta yuda ku un ehekushon efisiente i sostenibel di e proyekto importante aki, ku tin un inpakto direkto riba e medioambiente i kalidat di awa den e región.
Tokante e renovashon di planta na Kleinhofje:
E planta di tratamentu di awa di riol na Kleinhofje tin un ròl krusial den proseso di purifiká awa di riol pa e bario ku ta rondoné. Ku e renovashon di e planta, e ministerio ta buska pa oumentá e kapasidat di operashon, i pa redusí e inpakto riba medioambiente di tratamentu di awa di riol. E proyekto aki ta un paso importante pa un infrastruktura mas sostenibel na Kòrsou.
Uso di imágenan di drone:
Pilotonan sertifiká pa bula drone lo saka e imágennan. E imágennan di drone aki lo wòrdú usa solamente pa meta tékniko. Ta tuma na kuenta ku lei di privasidat di residente i usuario di e área. E ministerio ta enfatisá ku e grabashon lo keda limitá pa e zonanan necesario i ta kumpli ku tur regla di lei relashoná ku uso di drone.
