Publiká riba 31 Yanüari 2019
Preisnan 0,6 porshento mas haltu kompará ku luna di november 2018;
Inflashon na desèmber 2018 ta 2,6 porshento
E sifra índise di preis pa konsumidó (CPI, “Consumer Price Index”) di Kòrsou na luna di desèmber 2018 a subi ku 0,6 porshento, esta di 130.0 na novèmber pa 130.8 na desèmber.
E kambionan di preis mas notabel durante e luna ku ta tras di lomba (desèmber 2018) ta subida di preis di uso di elektrisidat (+8,6) i bahada di kerozine (-12,5%)
E CPI di desèmber 2018 (130.8) ta 3,6 porshento mas haltu ku e CPI di desèmber 2017, na kual momentu un CPI di 126,3 a wòrdu midí. E sifra aki (+3,6%) ta indiká ku e nivel di preis pa konsumidó durante l
luna di desèmber 2018 tabata 3,6% porshento mas haltu kompará ku luna di desèmber 2017.
Si kompará e periodo di e último 12 luna te ku desèmber 2018 ku mes periodo un aña anterior, ta resultá ku preisnan na averahe a subi ku 2,6 porshento. E CPI promedio di 12 luna a desaroyá di 125,5 na desèmber 2017
pa 128,7 na desèmber 2018.
E sifra di inflashon na desèmber 2018 (2,6%) ta reflehá e inflashon over henter e aña 2018 i ta e resultado di e desaroyo di preis di e 9 kategorianan di konsumo. E desaroyo di preis aki ta wòrdu ilustrá den e figura.
Inflashon di Kòrsou respektivamente na desèmber 2017 i over henter aña 2018 pues ta 2,6 porshento. Komo ku e sifra di inflashon (2,6%) ta duna un indikashon di subida di kosto di bida, ta rekomendabel pa usa e sifra aki
pa indeksashon di salario, penshun, ònderstant i otro entrada.
Esaki por dedusí for di datonan ku a wòrdu publiká awe dor di Ofisina Sentral di Statistik (CBS). E tabelnan konserní ta asesibel riba website di CBS, www.cbs.cw.
