Informashon di Fundashon Kuido di Ambulans Kòrsou relashoná ku situashon rondó di Covid-19 - Informashon tokante Gobièrnu di Kòrsou Bo opinion

Notisia

Informashon di Fundashon Kuido di Ambulans Kòrsou relashoná ku situashon rondó di Covid-19

Geplaatst op 29 March 2021 dor di Ministerio Salubridat Públiko, Medio Ambiente i Naturalesa

WILLEMSTAD – Kòrsou ta konfrontando momentunan difísil dor di e vírùs di Covid-19. Pa e motibu akí Fundashon Kuido di Ambulans Kòrsou (FKAK) kier a rekordá pueblo di Kòrsou lo siguiente:\

Yamadanan hasí na 912 mester ta yamadanan pa kasonan urgente (spoed).

Si akaso ta konfrontando síntomanan paresido na Covid-19, por fabor yama bo dòkter di kas i sigui instrukshonnan.

Si mester di asistensia di ambulans, dòkter di kas mes lo tuma kontakto ku nos sentral di ambulans. Servisio di ambulans ta konfrontando un temporada hopi drùk debí na un subida drástiko di kasonan di Covid-19. Konsekuentemente, por sosodé ku tur ambulans ta okupá na mésun momentu.

Nos ta pidi pueblo kompletu koperashon i sigui tur instrukshon stipulá dor di Gobièrnu pa nos por baha e kontagio i salba bida di nos siudadanonan.

Ministerio konserní