Publiká riba 12 Yüli 2019
Willemstad – Minister Zita Jesus Leito huntu ku Servisio pa Transporte Públiko (VV) ta informá na tur doño di vehíkulonan di dos wil, manera motosaikel i bròmer , ku ta kuminsá ku e trayekto di ahuste den e proseso pa registrashon di motosaikel i/òf bròmer na ofisina di kùr ‘keuringslokaal’.
Den kuadro di halsa seguridat a kuminsá ku kontròl di Verification Identification Number (VIN) di tur motosaikel i tambe bròmer. Djaweps 11 di yüli 2019, Servisio pa Transporte Públiko huntu ku Kuerpo Polisial Kòrsou (KPC) a finalisá ku e proseso di kontròl di VIN di tur motosaikel i bròmer. Seguidamente, Servisio pa Transporte Públiko ta kuminsá ku e trayekto di ahuste den e proseso di registrashon promé ku kùr motosaikel i/òf bròmer.
Servisio pa Transporte Públiko ta informá ku na momento ku ta bai registrá un motosaikel i/òf bròmer pa promé biaha na ofisina di kùr ‘keuringslokaal’ , mester skibi e VIN i tambe e number di e motor di e vehíkulo riba e formulario di registrashon. Den e proseso di registrashon lo verifiká ku e VIN ta esun original di fábrika. No ta bai registrá ningun motosaikel i/òf bròmer ku tin un VIN ku no ta original di fábrika.
Servisio di Transporte Públiko ta informá ku;
– por pasa tur dia den siman pa yena e formulario di registrashon i entrega dokumentonan nesesario.
– kliente ta risibí un yamada di KPC pa verifikashon di e VIN
– KPC ta indiká e kliente e resultado di e verifikashon
2. Kùrmentu di motosaikel i/òf bròmer kuminsando for di 15 di yüli 2019;
– ta tuma lugá tur dia den siman
– orario ta segun orario normal ku ta kùr tur otro vehíkulo
– lugá ta na ofisina di ‘keuringslokaal’
– pa sita pa kùr motosaikel i/òf bròmer mester yama Bentana di Informashon.
Minister Jesus – Leito huntu ku Servisio di Transporte Públiko ta hasi e petishon pa tuma bon nota di e proseso nobo pa registrashon di motosaikel i/òf bròmer.
