Publiká riba 05 Yanüari 2025
PREIS DI PASPORT TA KEDA MESKOS
Willemstad – Asuntunan Públiko, esta Kranshi, a tuma nota ku tin un informashon ta sirkulá ku no ta konta pa nos di Kòrsou.
Esaki por a trese konfushon pa nos siudadanonan ku ta bai saka nan pasaporte. Kranshi ta enfatisá i alabes ta pidi nos siudadanonan pa tuma bon nota ku e preis normal pa pasport a keda meskos. E pasport ta kosta ta Ang. 200,00 pa adulto i Ang 100,00 pa menor di edat konforme nos lei. Tur siudadano ku tin sita entrante 6 di yanüari ta paga e montante ku mester paga normal pa su pasport i no tin kambio den esaki.
Ministerio di Gobernashon, Planifikashoni Servisio Públiko ta lamentá ku tin un informashon inkorekto ta sirkulá ku por trese konfushon pa nos hendenan na momento ku nan bai paga pa nan pasport nobo.
