Publiká riba 20 Mart 2025
WILLEMSTAD – En konekshon ku e elekshonnan pa e Staten di Kòrsou dia 21 di mart 2025, Konseho Elektoral lo entregá e resultadonan preliminar di elekshon na Gobernador di Kòrsou, S.E. sra. Lucille George-Wout, riba djasabra 22 di mart pa 10’or di mainta.
Seguidamente, Gobernador lo kuminsá ku e konsultanan pa asina por forma un gabinete nobo. Dia 22 di mart e Vise-Presidente interino di Hunta di Konseho, Presidente di Staten, e Ministernan di Estado, Konseho di Iglesianan i e Konseho Sosial-Ekonómiko (SER) lo wòrdu konsultá dor di Gobernador.
Djaluna 24 di mart, ta start e konsulta ku lidernan di tur partido polítiko na Kòrsou ku a atkerí un òf mas asiento den Staten a base di e resultado di elekshon.
