Inskripshon èksamen di naturalisashon mart-aprel 2022 - Informashon tokante Gobièrnu di Kòrsou

Notisia

Ministerio konserní Enseñansa, Siensia, Kultura & Deporte
 

Inskripshon èksamen di naturalisashon mart-aprel 2022

Publiká riba 18 Yanüari 2022

WILLEMSTAD – Sentro di Ekspertisia pa Prueba & Èksamen (ETE) ta anunsiá ku, pa motibunan organisatorio-tékniko, e proseso di inskripshon pa èksamen di naturalisashon-periodo 1 via di ETE-portal no a kana optimal. A base di esaki i pa remediá e situashon,  ETE ta komuniká den siman di 17 di yanüari 2022 ku tur persona ku a traha un kuenta (account) via di e ETE-portal, pero no por a inskribí den e periodo di 10 te ku 14 di yanüari 2022 (manera a keda publiká). 

Tuma bon nota ku tur sobrá kriterio di inskripshon pa e èksamen ta keda bálido. Pa e grupo ku despues di inskripshon ta kumpli ku e kriterionan konserní, ta traha un roster di èksamen adaptá pa e periodo di 28 di mart te ku 29 di aprel 2022.

Atenshon: Personanan ku pa un òf otro motibu no a traha un ‘account’ durante e periodo di inskripshon, lo tin ku inskribí pa e èksamen di naturalisashon-periodo 2 (8 di ougùstùs te ku 1 di sèptèmber 2022) entre 23 ku 27 di mei 2022.