Inskripshon Krus di Mérito 2024
Publiká riba 21 Febrüari 2024
KONDEKORASHON KRUS DI MÉRITO ta habri inskripshon pa 2024
Krus di Mérito Kòrsou ta un kondekorashon instituí pa Gobièrnu di Kòrsou, pa duna rekonosementu na personanan ku a desplegá aktividatnan meritorio, den un forma partikular, pa komunidat di Kòrsou. Tur suidadano adulto, ku nashonalidat hulandes i establesé na Kòrsou òf organisashon establesé na Kòrsou por presentá kandidato. E aña aki Krus di Merito ta den su di 21 edishon di entrega di krus di mérito.
Kriterionan pa presentá un kandidato pa risibí Kondekorashon Krus di Mérito:
- E kandidato mester biba na Kòrsou;
- E kandidato mester ta riba 50 aña di edat;
- E mester ta di un komportashon ehemplar;
- Aparte di su trabou, el a okupá su mes ku aktividatnan ehemplar i na bienestar di nos komunidat, durante di un periodo di mínimo 5 aña;
- Mester tin prueba di e efektonan di e aktividatnan den nos komunidat.
Periodo pa presenta un persona pa por haña krus di Mérito ta di 1 di mart pa 29 mart 2024. Esaki tin ku sosodé na forma digital. Por “download” e formulario i tambe tur informashon riba e sitio wèp di Gobièrnu di Kòrsou.
Bishitá aki pa mas informashon: Krus di Mérito 2024.
Keda pendiente pa mas informashon di Krus di Mérito 2024.
Duna rekonosomentu na nos mes hendenan ta un aporte importante na patriotismo i e yabi pa logra e Pais Kòrsou ku nos tur ke.
