Publiká riba 29 Yanüari 2020
Ministerio di Enseñansa, Siensia, Kultura i Deporte ta partisipá na tur persona ku ke partisipá na e próksimo Prueba di Naturalisashon Parti 1, 2, 3 na sèptèmber/òktober 2020 mester hasi un petishon pa por partisipá na e èksamen ariba menshoná.Di djaluna 3 di febrüari te ku djabièrnè 14 di febrüari 2020 por hasi un petishon pa inskribí únikamente pa medio di un formulario ‘online’. E formulario ‘online’ ta aksesibel via di e página di wèp www.ete.cw na e menú ‘Naturalisatietoets’.
Mester yena e formulario kompletu i tambe manda e dokumentunan rekerí athunto, ku ta:
– identifikashon bálido (sédula òf pasport)
– pèrmit di estadia bálido
Di djaluna 10 di febrüari te ku djabièrnè 21 di febrüari 2020 via di e-mail ETE ta kontestá esnan ku a apliká. Alaves lo duna tur informashon relevante tokante e akshonnan ku ta sigui, konforme ‘Planifikashon Prueba di Naturalisashon 2020/2021’ publiká riba e página di wèp www.ete.cw
Pa mas informashon relashoná ku aplikashon pa inskripshon pa Prueba di Naturalisashon 2020 por tuma kontakto ku Sentro di Ekspertisia pa Prueba i Èksamen/Expertisecentrum voor Toetsen & Examens (ETE) via:
– e-mail: naturalisashon@ete.cw;
– telefónikamente: di djaluna te ku djabièrnè entre: 14.00 i 15.00 or atardi via number di telefòn 4343 700;
– personalmente: di djaluna te ku djabièrnè entre: 15.00 i 16.00 or atardi na Schouwburgweg 26, Office Complex APC Plaza.
