Publiká riba 24 Ougùstùs 2026
Willemstad – Ministerio di Gobernashon, Planifikashon i Servisio Públiko ta hasi un paso importante pa sigui profeshonalisá e prestashon di servisio di Asuntunan Públiko. Empleadonan di e servisio ta haña e oportunidat pa partisipá na e entrenamentu básiko “Burgerzaken”, ofresé den kolaborashon ku e organisashon Hulandes Censor Bestuur.
Asuntunan Públiko ta desempeñá un servisio esensial den Gobièrnu di Kòrsou: Entro otro, e servisio ta responsabel pa manehá e datonan personal di e habitantenan i, ku esaki, ta hasi un kontribushonfundamental na e funshonamentu di Pais Kòrsou.
Un gobièrnu konfiabel i profeshonal ta kuminsá ku empleadonan ku tin konosementu i ku ta bon preparápa ehersé nan tareanan. E amtenarnan di Asuntunan Públiko ta traha tur dia ku informashon ku ta di gran importansia pa komunidat. Esaki ta trese un responsabilidat grandi i ta pidi konosementu aktualisá, abilidatnan spesífiko i un ehekushon profeshonal di e tareanan.
Pa motibu akí, e ministerio ta sigui invertí den desaroyo di su empleadonan. Den e konteksto akí, a establesé un kolaborashon ku Censor Bestuur.
Empleadonan ku ta kompletá e trayekto ku éksito lo risibí un sertifikado akreditá.
Atenshon pa e realidat di Kòrsou:
Den ehekushon di e entrenamentu, ta tene kuenta spesial ku e konteksto lokal. Ta di gran importansia kue konosementu ta konektá ku e realidat diario di Asuntunan Públiko i ku e leinan i reglamentonan ku ta vigente na Kòrsou.
E entrenamentu no ta forma un esfuerso úniko. E ministerio ta keda komprometé pa, den futuro, turempleado nobo di Asuntunan Públiko ta haña e posibilidat di e desaroyo aki. Asina ta hasi un invershonstruktural den konosementu, kompetensia i un prestashon di servisio profeshonal.
Minister Hato:
“Invertí den konosementu ta invertí den futuro. Aumentá nos konosementu no ta solamenteimportante pa nos propio desaroyo komo profeshonal. E ta prinsipalmente importante pa e personanan ku nos ta sirbi tur dia: ku ta e habitantenan di Kòrsou.”
E minister ta ekspresá su apresio pa e dedikashon i kompromiso di tur e empleadonan di Asuntunan i ta deseá nan hopi éksito ku e trayekto di entrenamentu.
Aviso pa públiko:
Den e lunanan binidero, e personal di Asuntunan Públiko lo sigui e kursonan menshoná anterior. Pa duna e empleadonan e oportunidat pa partisipá, e orarionan di servisio na públiko di Kranshi lo ta adaptá temporalmente.
For di 26.08.2026 Kranshi lo sera pa públiko tur djarason despues di 12:00 di merdia. Amablemente ta pidi komprenshon pa e situashon aki i ta rekomendá públiko pa planiá nan asuntunan konformemente.
