Investigashon den Servisio pa Obranan Públiko - Informashon tokante Gobièrnu di Kòrsou Bo opinion

Notisia

Investigashon den Servisio pa Obranan Públiko

Geplaatst op 03 August 2021 dor di Ministerio Tráfiko, Transporte i Planifikashon Urbano

WILLEMSTAD – Ministerio di Tráfiko, Transporte i Planifikashon Urbano (VVRP) ta informá ku a kuminsá un investigashon den Servisio pa Obranan Públiko (OW). Den kuadro di e investigashon akí ta nesesario pa tuma algun medida di órden.

Motibu di e investigashon ta kehonan riba falta di integridat di algun funshonario di OW ku a keda entregá serka e ministerio.  Komo ku e kehonan akí ta asina serio a tuma e desishon pa start un investigashon di inmediato i tuma e medidanan di órden pa duna espasio na e investigashon.

Ministerio di VVRP ta enfatisá ku e investigashon ku a keda anunsiá lo sosodé ku rèspèt pa tur esnan envolví i konforme tur e reglanan di profeshonalidat.
Pa tur esnan envolví ta konta ku tur hende ta inosente te na e momento ku nan kulpabilidat keda probá. Pa e motibu akí lo no duna niun informashon mientras ku e investigashon ta kanando.

Ministerio konserní