Investigashon di tera i sub suela na rant di mangrove na Ref
Publiká riba 26 Febrüari 2019
Willemstad – Servisio pa Obra Públiko (OW) ta anunsiá ku djarason 27 di febrüari 2019, ta bai hasi un investigashon di tera i sub suela, esta un ‘grondonderzoek’ na rant di e mangrove na Ref. Esaki ta relashoná ku preparashonnan pa yega na e kaminda permanente ku lo konektá Pater Euwensweg ku Gouverneur van Slobbeweg.
E trabounan ta bou di enkargo di e kompania Geotron Caribbean i lo tuma 1 dia. Durante di e trabounan, lo no kita niun pal’i mangel. Despues ku e investigashon ta kla, lo sigui ku e proseso di preparashon tékniko pa ehekushon di e proyekto.
OW ta gradisí komunidat pa e komprenshon.
