Invitashon: Konmemorashon 30 di mei 1969 den lus di trahadornan - Informashon tokante Gobièrnu di Kòrsou Bo opinion

Notisia

Invitashon: Konmemorashon 30 di mei 1969 den lus di trahadornan

Geplaatst op 28 May 2019 dor di Ministerio Enseñansa, Siensia, Kultura & Deporte

WILLEMSTAD- E fecha 30 di mei 1969 ta keda ankrá komo un fecha históriko sindikal den eksistensia di Kòrsou. E aña akí komunidat ta rekordá 50 aña 30 mei.

Pa e aktividat riba dia 30 di mei 2019 tin un konmemorashon dilanti pòstkantor na Punda, na e asiná yamá Plasa Wilson “Papa”Godet.

E programa ta kuminsá 9’or ku un servisio inter-religioso. Despues di e servisio inter-religioso ta inisiá e programa di konmemorashon ku himno di Kòrsou. Ministernan ku ta hiba palabrá ta Minister di Enseñansa, Siensia, Kultura i Deporte, sra. Marilyn Alcalá-Wallé, Minister di Desaroyo Sosial, Labor i Bienestar, sr. Hensley Koeiman i Minister Presidènt sr. Eugene Rhuggenaath.  Alabes ta hiba palabra sr. Gwendell Mercelina jr. i ilustre sr. Stanley Brown.

Klik aki pa tuma nota di e programa: Programa dianan 29/30 mei 2019
Pueblo i Prensa ta keda kordialmente invitá pa huntu ban konmemorá e fecha históriko aki.


KOMUNIKASHON

Ministerio konserní