Invitashon: Obra Chakutoe Konmemorando 30 mei 1969
Publiká riba 28 Mei 2019
WILLEMSTAD: E fecha 30 di mei 1969 ta un di e markanan históriko prinsipal den eksistensia di Kòrsou. Kada aña di nobo nos mester para ketu na e fecha 30 di mei 1969. E aña akí tambe esaki ta e kaso konmemorando 50 aña. Kontrali na otro añanan e konmemorashon di e aña akí ta kuminsá for di e dia anterior. Riba djarason 29 di mei próksimo pueblo di Kòrsou ta keda invitá pa asistí na e obra teatral Chakutoe na La Tentashon pa 19.00 di anochi.
Na aña 1922 a tuma lugá un wèlga den Haf ku bo por konsiderá komo un antesala di loke a sosodé riba dia 30 di mei 1969. Riba e anochi akí sr. Gilbert ‘Gibi’ Bacilio ku a skibi i dirigí e obra lo konopá e suseso di 17 di yüni 1922 na esun di 30 di mei 1969. Klik riba e link aki pa tuma nota di e Obra aki: Obra Chakutoe (Danki na Extra pa e bunita grabashon aki!)
Gobièrnu di Kòrsou ta ofresé e obra akí kompletamente grátis pa pueblo di Kòrsou. Por pasa tuma karchi pa e obra Chakutoe na Kas di Kultura, Scharlooweg 29.
***********************************************************************************