Notisia

Gobièrnu di Kòrsou den koperashon ku “Little League Foundation”, Kas di Kultura, CTB, Miss Curaçao i diferente artista ta invitá pueblo di Kòrsou pa huntu duna gratitut na nos hóbennan di Little League ku ta nos kampionnan di edishon internashonal i sub-kampion di Little League World Series Championship 2019. 

E selebrashon ta djadumingu 1 sèptèmber 2019 kuminsando ku un parada ku ta sali 3’or di mèrdia na Frank Curiel Ballpark i ta terminá 6’or na Plasa Brion. Riba Plasa Brion lo tin diferente presentashon di artista nan ku ta duna nan kolaborashon pa duna homenage na nos peloteronan hóben. E selebrashon ta dura te ku 7.30’or.

Ruta Parada: Frank Curiel Ballpark, Winston Churchillweg,Rooseveltweg, Kolebra Bèrdè, Veerisweg, Kaminda Helmin Wiels, Weg naar Bullenbaai, Klein St. Michiel, Kanasterweg, Plenchi Boka (un ratu di sosiegu), Kanasterweg, Klein St.Michiel,Weg na Bullenbaai,Weg na Westpunt, Winston Churchillweg, Rooseveltweg, Plasa Hariri, Weg naar Welgelegen,Hamelbergweg, Rodeweg,Breedestraat (Otrobanda), Plasa Brion.

Kòrsou ban huntu pa duna nos hóbennan e homenage ku nan meresé!

—

KOMUNIKASHON

MAS NOTISIA

Ministerio konserní: Enseñansa, Siensia, Kultura & Deporte