Notisia

Willemstad- Ministerio di Enseñansa, Siensia, Kultura & Deporte (ESKD) ta partisipá pa medio di Servisio di Skolnan Públiko (DOS), ku pa motibunan imprevisto i urgente, ku e skol na Buena Vista Juan Pablo Duarte no ta aksesibel pa personal ni alumnonan di e skol menshoná por lo pronto.

Aktualmente, durante ehekushon di trabounan riba e dak di e skol menshoná, a konstatá ku stòfnan di asbèst a drenta den sirkulashon di aire, ku por tin reperkushon dañino pa salú di hende.

Pa por garantisá sinembargo ku e hóbennan por sigui lès, konforme derechinan internashonal i lokal,  Ministerio di ESDK a tuma e desishon pa ubiká e hóbennan temporalmente na KAP. E lèsnan ta tuma lugá durante dia di siman di 13:00 or pa 17:00 or di atardi i ta trahando riba un solushon mas rápido posibel pa e situashon normalisá.

Ministerio ta ofresé su diskulpa pa kualke inkonbeniensia en konekshon ku e kambio inesperá aki okashoná pa forsa mayor.

Ta hasi un apelashon riba tur mayor pa baha nan yunan entrante djárason 22 di ougùstùs 2018 na KAP pa e yunan por sigui lès.

Pa ‘download’ e komunikado aki klik aki: komunikado relashoná ku ubikashon di J.P.Duarte VSBO/AGO.

—

KOMUNIKASHON

Ministerio di Enseñansa, Siensia, Kultura & Deporte

MAS NOTISIA

Ministerio konserní: Enseñansa, Siensia, Kultura & Deporte