JJIC a duna atenshon spesial na su hubilarionan i e tim ku a risibí nan sertifikado di BHV - Informashon tokante Gobièrnu di Kòrsou Bo opinion

Notisia

JJIC a duna atenshon spesial na su hubilarionan i e tim ku a risibí nan sertifikado di BHV

Geplaatst op 16 July 2021 dor di Ministerio Hustisia

WIILEMSTAD – Den yüni último JJIC, antes GOG, a duna atenshon na 2 grupo di personal ku a destaká. Ta trata di un grupo di 6 empleado ku huntu a selebrá 165 aña den servisio. Ta trata di sra. Joyceline Pikeur-La Croes i  sr. Raymond Ignecia ku resientemente a kumpli respektivamente 30 i 25 aña den servisio, i sra. Judeska Pauletta huntu ku sr. Winston Wederfoort ku a kumpli kada 12,5 aña den servisio. E hubilarionan di e último 2 añanan tambe, ku ta  sra. Cornelly Salsbach Kramers, sra. Monique Zimmerman i sra. Daphne Hypolite ku a kumpli respektivamente 25 aña i 30 aña den servisio. Nan a risibí nan oorkonde for di man di direktor interino di Sektor pa Protekshon di Hubentut, Ehekushon i Resosialisashon di Ministerio di Hustisia, sra. Gimena van der Gen.

Den kuadro pa subi nivel di seguridat na JJIC, e personal pedagógiko i di seguridat a sigui e training “Bedrijfshulpverlening” (BHV). E training akí ta unu hopi importante pa tur instansia residensial pa sa kon aktua ora tin un kalamidat òf kandela i asina minimalisá e konsekuensianan ku esaki por trese kuné. E training a konsistí di entre otro kon pa duna promé asistensia, pagamentu di kandela i reskate di personanan envolví den un insidente òf kalamidat.

Un total di 14 empleado a terminá e training básiko di BHV ku éksito. Di e personanan akí 4 persona a terminá tambe e training mas avansá di lider di tim di BHV. E tim di BHV a risibí nan diploma i sertifikado for di man di direktor interino di Sektor pa Protekshon di Hubentut, Ehekushon i Resosialisashon di Ministerio di Hustisia, sra. Gimena van der Gen. Un pabien spesial ta bai na e tim di BHV ku ta di sumo importansia pa asina JJIC ta bon prepará pa e periodo akí di orkan. 

Riba e foto por mira e tim di BHV den kompania di sra. Gimena van der Gen i sra. Albertoe-Pinedo, hefe di JJIC.

Riba e foto, direktor sra. Albertoe-Pinedo, sra. I. Curie, sra. S. Alberto, sra. X. Martha, hefe di BHV sr. Roosberg, sra. C. Kramers, sra. R. Wijngaarde, sra. A. Riki, sra. D. Martina, sra. G. van der Gen. Tambe e tim di BHV ta konsistí di sr. M. Hamen, sr. Noor i sra. G. Rodriquez.  Pabien ta bai na tur e personanan akí. 

Ministerio konserní