Notisia

Pa medio di e komunikado akí JJIC ta partisipá lo siguiente.

Mirando ku nos pais tambe tin persona ku Corona Virus i pa tuma prekoushon pa nos muchanan den e instituto, gerensia ta obligá di tuma algun medida pa evitá ku esaki por afektá nos muchanan. Den e kaso akí prevenshon ta prioridat pa Gerensia.

Pa minimalisá e riesgonan, JJIC ta tuma e siguiente medidanan. Entrante mañan djamars 17 di mart 2020 te ku dia 5 di aprel 2020:

• Ta pone un paro na presensia di stazjèr ku ta praktiká na JJIC, i si ta posibel, lo laga nan traha for di kas.
• Ta posponé estudio di Beibel pa e siguiente simannan.
• Ta kanselá tur aktividat deportivo pafó di JJIC organisá pa FDDK.
• Den e próksimo simannan ningun mucha lo no por bai kas òf haña bishita di nan mayornan.

Pa remediá e echo ku no por haña bishita ni bai kas, JJIC lo permití kada mucha:

1. Yamada di video 1 biaha pa siman ku mayor,
2. yamada telefóniko 2 biaha pa siman.

Konsiderando ku ta un situashon di emergensia, i ku no ta falta di e muchanan, ta para aktividatnan akí.

Gerensia ta pidi komprenshon pa e kambionan i lo sigui duna informashon durante di e dianan ku ta sigui.

MAS NOTISIA

Ministerio konserní: Hustisia