Kaminda entre Wacawa i Savonet ta haña kapa final di asfalt - Informashon tokante Gobièrnu di Kòrsou

Notisia

Ministerio konserní Tráfiko, Transporte i Planifikashon Urbano
 

Kaminda entre Wacawa i Savonet ta haña kapa final di asfalt

Publiká riba 04 Sèptèmber 2017

Si tin bitumen, e produkto ku ta usa ora ta asfaltá kaya, ta pone e último kapa di asfalt entre Wacawa i Savonet riba djabièrnè 21, djaluna 24 i djamars 25 di yüli próksimo. Asina Obra Públiko ta deklará. Dor di trabounan di mantenshon di Aqualectra na BOO, refineria Isla no ta risibí sufisiente stom pa por produsí bitumen.  

Hende ku ta bai òf bin for di Wespen, mester tene kuenta ku tin probabilidat pa e pida kaminda entre Wacawa i Savonet ta será durante di e trabounan, entre 8’or di mainta i 5’or di atardi. Obra Públiko i Aliansa ta pidi pa tuma e ruta alternativa via di Lagun-Sta.Cruz-Soto i direkshon kontrali. 

Obra Públiko i polis tékniko ta pidi outomobilistanan pa tene kuenta ku e trabounan. Ta pidi komprenshon tambe pa e molèster kousá pa e trabounan. Ku ponementu di e último kapa di asfalt awor si a yega na finalisashon di e pida kaminda aki.