WILLEMSTAD – Pa e aña akí, den ménos ku kuater luna, Brantwer Kòrsou a registrá kuater insidente di kas na kandela ku morto envolví. Forsa ta bai na famia i sernan kerí di e defuntunan.
Brantwer Kòrsou ke enkurashá komunidat di Kòrsou pa tin un plan di eskape pa kada hogar. Esaki teniendo kuenta ku kapasidat, mobilidat i kostelashon di kada miembro di famia.
Riba e foyeto por mira un ehèmpel di un plan di eskapé i algun punto pa tene kuenta kuné na momentu ku kada famia ta traha riba un plan ku ta kuadra ku nan situashon.
Pa pregunta òf den kaso ku ta deseá mas informashon tokante plan di eskapé pa kas, por tuma kontakto ku ofisina prinsipal di Brantwer Kòrsou na number di telefòn 462-9111 òf mail na e adrès info.brantwer@gobiernu.cw.
Pa ‘download’ e plan di eskape klek aki.
