ANUNSIO IMPORTANTE # 1
Brantwer Kòrsou ta informá ku aktualmente tin un kandela grandi na Weg naar Westpunt, na altura di Malpais. Ta trata di un kandela grandi di tayer ku ta plamando bastante huma.
Brantwer Kòrsou ku yudansa di loader ta tratando na hasi un separashon pa evitá ku e kandela ta bira mas grandi.
Ta pidi tur persona ku ta biba den area di Seru Chiki, Harmonie, i areanan afektá na Banda Bou pa sera porta i bentananan di kas i protehá bestianan di kas tambe. Sigui kanalnan ofisial pa mas informashon.
