Karchi sosial pa komestibel a keda rekargá djabièrnè 4 di sèptèmber - Informashon tokante Gobièrnu di Kòrsou Bo opinion

Notisia

Karchi sosial pa komestibel a keda rekargá djabièrnè 4 di sèptèmber

Geplaatst op 05 September 2020 dor di Ministerio Desaroyo Sosial, Labor i Bienestar

i sèn di Sosten Laboral lo pasa djaluna 7 di sèptèmber 2020

Willemstad – Ministerio di Desaroyo Sosial, Labor & Bienestar (SOAW) ta anunsiá ku karchinan sosial den kuadro di sosten laboral a keda rekargá djabièrnè 4 di sèptèmber.

Di otro banda Ministerio ta partisipá ku pa motibu tékniko, no a logra pasa e pago di ougùstùs di Sosten Laboral riba e mesun dia ku ta 4 di sèptèmber.

SOAW ta partisipá ku e sèn lo pasa djaluna awor dia 7 di sèptèmber 2020 riba kuenta di aplikantenan. Personanan ku tin kuenta na otro banko ku no ta MCB lo risibí e sèn 2 a 3 dia despues.

Ministerio di Desaroyo Sosial, Labor & Bienestar ta pidi su diskulpa pa e inkumbiniensia.

Ministerio konserní