Notisia

Kòrsou ban selebrá nos Karnaval 2020!

Gobièrnu di Kòrsou ta hasi un yamada na nos pueblo pa ban selebrá nos karnaval den harmonia i pas.
Marchanan ta sali segun e orario stipulá.
Pueblo kompletu ta keda invitá pa yega na tempu pa huntu nos gosa di Karnaval 2020!

---

Informashon importante tokante Marcha di Karnaval di Bándabou

Dekreto di Marcha di Karnaval di Bándabou

Beschikking Carnaval Bándabou (NED)

---

Empleadonan públiko ke deseá nos pueblo di Kòrsou un Felis Karnaval.

Koleganan di Ministerio di BPD a uni pa selebrá , motivá i inspirá p’asina yega na metanan pa sigui sirbi nos komunidat.

Gobièrnu di Kòrsou ta informá ku djabièrnè for di 3’or di atardi, djaluna hinter dia i djamars for di 12’or di mèrdia su departamentunan lo ta será.

Empleadonan públiko ke deseá nos pueblo di Kòrsou un Felis Karnaval.

---

Informashon importante tokante Marcha di despedida Grandi

 

#1 Medida di Tráfiko durante Marcha di despedida Grandi

 

#2 Medida di orden públiko durante Marcha di despedida Grandi

 

#3 Medida di Tráfiko durante Marcha di despedida Grandi

 

Klek akinan pa mira kua kaya ta sera I ki ora durante Marcha di despedia Grandi

 

---

Informashon importante tokante Marcha di despedida Hubenil

#1 Medida di tráfiko durante Marcha di despedida Hubenil

#2 Medida di orden públiko durante Marcha di despedida Hubenil

#3 Medida di tráfiko durante Marcha di despedida Hubenil

 

Klek akinan pa mira kua kaya ta sera i ki ora durante Marcha di despedida Hubenil

 

---

Informashon importante tokante Gran Marcha

 

#1 Medida di tráfiko durante Gran Marcha

#2 Medida di orden públiko durante Gran Marcha

#3 Medida di tráfiko durante Gran Marcha

Klek akinan pa mira kua kua kaya ta sera i ki ora durante Gran Marcha

 

---

Informashon importante tokante Marcha di Karnaval Tiner

#1 Medida di orden públiko Marcha di Karnaval Tiner

#2 Medida di tráfiko durante Marcha di Karnaval Tiner

#3 Medida di tráfiko durante Marcha di Karnaval Tiner

 

Klek akinan pa mira kua kaya ta sera i ki ora durante Marcha di Tiner

 

---

Gosa di Karnaval i wak pa bo kome serka hendenan ku ta tene kuenta ku Higiena.

Felís Karnaval

---

---

Instalashon i Importansia di Barera/ Hèkinan di Seguridat (Dranghek)

WILLEMSTAD – Ministerio di Enseñansa, Siensia, Kultura & Deporte (ESKD) ta partisipá ku den transkurso di e dianan akí lo instalá hèkinan di seguridat (dranghek) riba e ruta di karnaval di Plasa Hariri pa Cubaweg.

Esaki ta sosodé den estrecho koperashon ku entre otro Ministerio di Hustisia i Ministerio di Tráfiko, Transporte & Planifikashon Urbano. Hunto komo un unidat lo hasi tur e trabou nesesario pa nos tin un karnaval sigur.E hèkinan di seguridat (dranghek) t’ei pa manehá e multitut grandi di hende ku ta bai wak karnaval i ta pone ku por halsa e nivel di seguridat di e magno evento akí. E hèkinan di seguridat ta keda instalá prinsipalmente pa protekshon i kòntròl di kantidat grandi di hende den un evento grandi manera esun di karnaval, pa e aktividat kana ordená i strukturá. Den e siman akí (Djarason 19 pa djaweps 20) lo instalá tur e hèkinan di seguridat i alabes lo instalá diferente porta na nan pa por garantisá entrada i salida riba e ruta di karnaval. Kada porta lo keda identifiká ku un bandera kòrá i ta keda vigilá durante di marchanan.

Motibunan pa kua mester tin hèkinan di seguridat ta:
 Protekshon pa e siudadano;
 Instrumento di guia pa públiko;
 Instrumento di guia pa partisipante;
 Instrumento di seguridat (e ta evitá ku hende ta subi kaya deskontrolá i alabes evitá ku un vehíkulo por mishi ku un hende para kantu di kaya).

P’esei ta importante ku e hèkinan di seguridat tei pa yuda protehá nos pueblo karnavalista.

Ministerio di ESKD ta hasi un yamada na kada suidadano pa ban gosa di e ambiente kultural karnavalesko di un forma responsabel i positivo i na mes momentu ta hasi un petishon na pueblo di Kòrsou pa kuida nos hèkinan di seguridat, no pega nada na nan, no lèn riba nan, ni para riba e hèkinan si seguridat. Ban gosa di un forma konsiente i sigur

Sra. Lizette Sambo-Velder
Direktor di Sektor di Kultura & Deporte
Ministerio di Enseñansa, Siensia, Kultura & Deporte

 

 

---

    

 

---

Algun teps relashoná ku higiena, konsumo i preparashon di kuminda durante periodo di Karnaval

Willemstad – Salú di hende ta dependé di vários faktor di nos medio ambiente. Higiena ta un di e pilarnan mas grandi den e struktura di salubridat di ser humano. Pa e motibu aki Gobièrnu tin algun punto importante ku komunidat tin ku tene kuenta kuné pa salbaguardiá salú en general.

Higiena i kuido personal

1. Bebe sufisiente líkido (awa).
2. Kome na tempu i evitá di kome kuminda ku a para hopi den solo.
3. Bebe bo remedinan i kana ku informashon di bo remedi den bo tas/ pòtmòni.
4. Evitá di tene relashon seksual pero si bo disidí di hasié usa protekshon.
5. Tene bo kurpa limpi, espesialmente bo mannan.
6. Kana ku un bòter di awa chikí pa bo uso personal.
7. Sòru pa bo tin papel sanitario (tissue) serka bo.
8. Usa bon produkto pa evitá ku bo ta soda hopi.
9. Bisti paña kómodo i no paña ku ta hopi pèrtá.
10. Kuida bo pianan, nan mester ta kómodo i kòrda sosegá nan bon e dianan. promé ku bo bai wak òf partisipá den marcha.

Teps na momentu di kumpra kos

Departamentu di Salubridat (THZ) ta kontrolá tur bendedó di kos riba ruta di Karnaval.  Nan tei pa yuda vigilá e parti di higiena. Tene kuenta ku bo konsumo i unda bo ta kumpra kos.

Tene kuenta ku:

1. Chèk si e establesementu tin pèrmit pa bende kos.
2. E trahadó tin pèrmit pa bende kos. E pèrmit mester ta poné un kaminda ku e kliente por mira.
3. Limpiesa di e lugá/ bendedó.
4. Wak si e trahadó ta adekuá bistí. (kabei tapá, uña limpi etc).
5. E lugá tin labamano òf un kaminda ku e trahadó por limpia su man.
6. Chèk fecha di vensementu di e produkto.
7. Wak i hole e kos di kome pa evitá di kome algu dañá.
8. Finalmente si bo no ta konfia no kumpra kos einan. Bai un otro kaminda ku si. bo tin konfiansa.

Teps pa ora bo ta prepará kuminda

1. Evitá di usa hopi salu i suku.
2. Kòrda laba bo mannan.
3. Chèk fecha di vensementu.
4. No usa hopi zeta.
5. Tin kuminda ku ta daña hopi lihé den solo. Evitá di bai ku salada di batata, tuna i marisko. Si bo ta bai kuné, konserva esakinan bon den eis.
6. No eksponé bo kuminda na airu liber.

Ministerio di Salú, Medio Ambiente i Naturalesa ta hasi un yamada na kada suidadano pa gosa di Karnaval pero di un forma responsabel.

---

 

Gosa konsiente i kuida nos medio ambiente.  

---

Nivel máksimo di zonido permití durante marchanan di Karnaval ta 100 Desibèl

Ta nivelá tur DJ i agrupashon musikal na kuminsamentu di tur marcha.

Willemstad – E aña aki meskos ku añanan anterior, nivel máksimo di zonido permití durante tur marcha di Karnaval ta 100 Desibèl. Pa organisá Karnaval e organisadó den e kaso aki Fundashon JAG, mester pidi un pèrmit kual ta keda otorgá pa Polis. Den e pèrmit aki tin un kantidat di regla na kua e organisadó i gruponan mester tene nan mes na dje. Un di e reglanan aki ta nivel máksimo di zonido permití. Sekshon di Medio Ambiente i Naturalesa tin e tarea pa midi zonido komo nan tin ekspertisio i ta disponé di e aparatonan pa hasi e trabou.

 

E aña aki tambe lo hasi uzo di e aparato MeTrao ku awendia ta e sistema mas uzá pa maneho di zonido durante konsiertonan i festivalnan riba nivel mundial. E sistema aki ta duna oportunidat pa midi i manehá zonido for di distansha, pues no ta nesesario mas pa midi for di pòstnan fiho riba ruta di Karnaval. E bentaha di e sistema aki ta ku DJ nan i agrupashonnan no por baha zonido momentu ku ta aserkando un pòst di midimentu i hisa zonido bèk despues di a pasa e pòst. Na kuminsamentu di marchanan na altura di pòmp di gasolin di Sta. Maria tin inspektornan i miembronan di AMAK presente pa huntu ku DJ òf agrupashon musikal pone e zonido na nivel di Desibèl permití momentu ku nan ta pasando.

 

 

Inspektornan ku ta midi zonido tin kontakto direkto ku komando sènter i Polis. Lo notifiká Polis momentu ku un Inspektor mester intervení pa baha nivel di zonido. Promé biaha ku intervení ta djis pidi pa baha zonido sin konsekuensha. Di dosintervenshon serka mes DJ òf agrupashon musikal lo mèldu esaki na komando sènter i konsekuentemente Polis lo por tuma medidanan nesesario. Den e kaso aki Polis por tuma e desishon pa para e músika pa motibu di negligensha di reglanan stipulá den pèrmit. Ministerio di Salú, Medio Ambiente i Naturalesa ta rekomendá tur hende i sigur nos muchanan, pa hasi uzo di protekshon di oido i mantené distansha responsabel for di spikernan.

 

 

 

---

---

 

 

Laga nos keda kòrda riba nos mucha i hóbennan derechi asta den momento di goso i legria!

---

Kontròl di Servisio di Higiena riba preparashon i benta di kuminda

Willemstad – Reglanan ku mester kumpli kuné pa bin na remarke pa haña un pèrmit pa prepará i bende kuminda durante aktividatnan públiko. Un di e tareanan importante di Servisio di Higiena di G&Gz (ántes GGD) ta e aspekto di higiena. E servisio aki ta enkargá ku kòntrol pa mantené reglanan na un manera estrikto. Esaki ta konta tantu pa negoshi (manera restorant i snèk) ku ta prepará, bende i sirbi kuminda i bebida tambe pa esnan ku ta prepará i bende produktonan di konsumo durante aktividatnan públiko.

Bou di benta durante aktividatnan publiko ta kai: benta via di stèntnan, marshe di pruga, marshe di buki, plasa di arte, eksposishon, shou di moda, shou di vürwèrk, kaminata, bailenan públiko i privá i otro eventonan manera “car-wash”, enkuentro deportivo, aktividat sosial, aktividat kultural i religioso of presentashon musikal, fiesta di baile será, “Foodfestival (Grelmentu òf BBQ)”.

G&Gz ta repartí su stipulashonan pa higiena di e siguiente manera:

1. Reglanan di higiena ku ta konserní aktividatnan públiko (riba òf kantu di kamindanan públiko).
2. Reglanan di higiena ku ta konserní stèntnan.

AD1.   Reglanan di higiena ku ta konserní aktividatnan públiko riba òf kantu di kaminda

1. Reglanan di higiena ku ta konserní aktividatnan públiko (riba òf kantu di kamindanan públiko).
   • Reglanan pa aktividatnan ku espasio habri pa prepará i bende kuminda (aki ta trata di kumindanan simpel manera lumpia, pastechi, un kùp di sòpi, apelsina, pòpkòrn etc).
   • E preparashon i benta di e kumindanan mester tuma lugá higiénikamente i bou di sirkunstanshanan higiéniko.
   • Tur persona ku ta enbolbí ku preparashon i benta di kuminda mester tin karchi kùr bálido di G&Gz.
   • Pa BBQ òf grel karni e siguiente reglanan di higiena ta konta:

*  mester tin fasilidat pa laba man i e ekiponan ku ta ser usa pa grel karni,

*  e aparato di grel mester ta limpi,

*  e lugá kaminda e aparato di grel ta, mester ta higiéniko (flur di material

duru, e aparato di grel mester por tapa, e besindario mester ta higiéniko),

*  karni no prepará òf prepará mester ta kubrí na tur momento ora nan no

ta riba kandela,

*  personanan ku ta traha ku kuminda mester tin karchi di kùr bálido di G&Gz,

*  na final di e aktividatnan sobránan di karni i tambe otro sobránan manera

kùp i otro artefakto ku no ta wòrdu usa mas mester wòrdu tira afó pa evitá

molèster di muska i otro tipo di bestianan.

1. Reglanan pa prepará kuminda den un espasio será pa aktividatnan públiko manera fiesta etc.

• E preparashon i benta di e kumindanan mester tuma lugá higiénikamente i
  • bou di sirkunstanshanan higiéniko.
• Tur persona ku ta enbolbí ku preparashon i benta di kuminda mester tin
  • karchi kùr bálido di G&Gz.
• Murayanan paden, tambe flur (ku mosaiko) no por tin buraku ni skur den nan i
  • mester por limpia ku fasilidat.
• Kashinan kaminda ta warda produktonan pa kushina kuné mester ta liber di
  • pèst.
• Tur bentana i porta mester tin waya pa wanta muska afó for di e lugá
  • kaminda ta prepará kuminda.
• Mester tin tualèt ku awa i labamano pa laba man, habon i papel pa seka man.
• Mester tin un sistema pa tira sushi aden ku por wòrdu será pa evitá muska i
  • holó.

AD2.   Reglanan di higiena ku ta konserní stèntnan

• E stèntnan mester ta será na 3 banda na un haltura di 1.80 meter i na e banda di bende kos 1.20 meter.
• E dak mester ta kompletamente kubri.
• E flur mester ta kompletamente kubri i fásil pa limpia.
• Preparashon i benta di e kumindanan mester tuma lugá higiénikamente i bou di
  • sirkunstanshanan higiéniko.
• Tur persona ku ta enbolbí ku preparashon i benta di kuminda mester tin karchi kùr bálido di G&Gz.
• Personanan ku ta prepará kuminda mester tapa kabei, bisti blusa òf kamisa ku manga ku sapatu òf slòf será, sin prenda na man, uñanan kòrtiku (sin rushi) i higiéniko.
• Mester tin sistema pa deshasí di sushi.
• Mester tin un sistema pa laba man i ekiponan ku ta ser usá.
• Medionan di transporte mester ta adekuá i higiéniko.
• Rònt di e stènt mester tin posibilidat pa tur hende por hui i skapa nan mes, den kaso di emergensia (Brantwer).
• Mester sòru pa si e stènt ta na kandela, e no forma peliger pa públiko, otro stènt,
  • edifisio, vehíkulo etc. den besindario (Brantwer).
• Tene rònt di bo stènt limpi di papel, kùp, paña, karton, sigaria etc.
• No tira sushi, kos kayente ni tampoko zeta den roi òf kloaka.
• Instalashon di gas mester ta den bon kondishon (Brantwer).
• No ta pèrmití bòter di gas den un stènt.
• Bòternan di gas mester ta poné stabil pa nan no kai i kaminda nan ta, mester ta bon ventilá.
• No ta pèrmití kushina sende kandela/ BBQ pegá ku vehíkulonan òf produktonan
  • manera: gasolin, kerosin, bòter di gas òf otro material ku por pega kandela.
• Ta prohibí pa usa kerosin pa kushiná.
• Pa generator òf otro aparato elektróniko mester di aprobashon di Brantwer.
• Tur stènt mester tin un aparato di paga kandela di mínimo 3kg. puiru òf 2kg halon.
• Brantwer por pèrmití pa 2 òf mas stènt usa 1 aparato di paga kandela huntu.

Tene kuenta ku bou di tur sirkunstansha e 10 reglanan di oro pa prepará alimentu higiénikamente ta keda konta:

1. Usa solamente alimentu ku ta bon, tantu na holó, koló i smak;
2. Semper kushina kuminda bon, usando temperatura mas haltu posibel;
3. No laga kuminda kushiná para pa largu tempu, hasi uzo di dje mas lihé posibel;
4. Kuminda kushiná mester wòrdu tené kayente (riba 140° Fahrenheit/ 60° C) òf friu (bou di 40° Fahrenheit/ 4.4° C);
5. Kuminda kushiná mester wòrdu keintá kompletamente di nobo i na temperatura mas haltu posibel;
6. Evitá kontakto di alimentu kurú ku alimentu kushiná;
7. Laba bo man ku frekuensha;
8. Tene tur superfisie (mesa, “aanrecht”, laba plato etc) den kushina limpi tur ora;
9. Tene tur alimentu for di alkanse di raton, djaka, muska, kakalaka i otro bestianan;
10. Usa semper awa di kranchi ora ta atendé (laba òf kushiná) ku alimentu.

---

 

---

3. Medidanan di tráfiko temporal en konekshon ku transporte públiko pa Marcha di Karnaval Hubenil 2020

---

 

2. Tene kuenta ku algun medida di orden públiko pa Marcha di Karnaval Hubenil 2020

---

 

1. Tuma nota di algun medida di tráfiko pa Marcha di Karnaval Hubenil 2020

---

 

A inspekshoná riba presensia di abeha riba ruta di Karnaval

Willemstad – Departamentu di Salubridat Públiko di Kòrsou UO G&GZ (ántes GGD) den kuadro pa prevení molèster di abeha i/ òf maribomba a inspekshoná e ruta di Karnaval pa mas tantu posibel tuma medidanan di prekoushon kaminda ta nesesario. Adelantando riba e riesgo ku durante di marchanan benidero músika i frekuensia di zonido por okashoná molèster di e insektonan aki e tim di kontròl a hasi inspekshon di kasnan, santananan i terenonan riba e ruta.

Ta rekomendá gruponan di Karnaval i agrupashonnan musikal ku tin vehíkulonan pará será hopi tempu i òf ekiponan manera por ehèmpel spiker pa revisá esakinan si tin abeha òf maribomba promé bai den marcha ku esakinan.
Ministerio di Salú, Medio Ambiente i Naturalesa ta hasi un yamada na instanshanan, asosiashon di bario/ bisiña riba ruta di Karnaval pa den kaso ku bo sa di un lugá pa yama 432- 2867 i informá nos pa asina un i tur por disfrutá di nos fiesta kultural.

---