WILLEMSTAD – Djamars 11 di mei 2021, alrededor di 09.30’or, a tuma lugá un kaso di hinkamentu na prizòn. For di investigashon preliminar a sali afó ku 2 detenido den blòk 7 tabata tin un diskushon ku a bin terminá den un kaso di hinkamentu.
Mesora personal di SDKK a drenta akshon pa asina pone e situashon bou di kontròl. E detenido víktima di inisial W.C.A. a keda heridá ku opheto skèrpi na altura di su pia robes. A transportá e detenido víktima ku urgensia pa CMC pa mas tratamentu médiko.
E investigashon lo kontinuá pa outoridatnan di Kuerpo Polisial.