Publiká riba 25 Ougùstùs 2021
WILLEMSTAD – Djárason 25 di ougústús 2021, alrededor di 13:20’or, a tuma lugá un kaso sumamente lamentabel na CMC. Na momentu ku un kliente di Sentro di Detenshon i Korekshon Kòrsou (SDKK) tabata risibí tratamentu médiko, e kliente a bira sumamente agresivo i kuminsá insultá e personal médiko di CMC.
Mesora personal di SDKK a drenta akshon i saka e kliente for di e sitio. Mester a usa forsa pa transportá e kliente bèk pa prizòn. Lo bai investigá e kaso akí pa tuma medidanan apropiá.
Gerensia di prizòn ta lamentá i desaprobá e komportashon akí i ta pidi diskulpa pa kualke inkumbiniensia ku esaki por a trese.