Klientenan di SDKK ta hasi donashon di arte kultural na krèsh Kuido Infantil - Informashon tokante Gobièrnu di Kòrsou Bo opinion

Notisia

Klientenan di SDKK ta hasi donashon di arte kultural na krèsh Kuido Infantil

Geplaatst op 18 September 2018 dor di Ministerio Hustisia

Willemstad – Klientenan di SDKK a hasi donashon di artenan kultural na e 95 muchanan entre 0 pa 4 aña di krèsh Kuido Infantil situá na Sta. Maria.

E artenan aki a wòrdu trahá 1 aña pasá (ougùstùs pa sèptèmber 2017).

Na sèptèmber 2017 e artenan kultural a wòrdu usá den un eksposishon ku tabatin na Villa Maria na Skalo den kuadro di Siman di Kultura.

E artenan a wòrdu wardá un aña largu i e aña aki e klientenan a disidí pa hasi e donashon ya ariba menshoná pa asina krea espasio pa por krea artenan nobo. Asina por bisa ku entre otro e blòk 2 a traha e maketa di Refineria Isla. E maketa aki a wòrdu trahá ku materialnan manera karton, fèrf, leim, bleki, greis, petrit i nan a dura mas òf ménos tres siman pa traha e maketa aki.

Pa loke ta trata e maketa di nos Brùg Nobo, Brùg Juliana, esaki a wòrdu trahá dor di un grupo di ekstranhero. Nan a usa materialnan manera bleki di cornbeef, zwan, sosèshi i kaha di conflakes i pringles. Ku esaki nan ke mustra ku e produktonan ku nan tin disponibilidat pa kumpra den e kantina di klientenan den SDKK nan a usa pa resiklá den e artenan kultural aki.

Ku e akshon aki e klientenan aki di SDKK ke manda e siguiente mensahe pa nos komunidat: “Den kuadro di e Siman di Kultura benidero nos ke mustra pa medio di e donashon aki na e mucha- i nan mayornan ku lòs di e echo ku den pasado nos a yega di hasi algu malu, nos tin e posibilidat i talento den nos tambe pa por hasi bon pa komunidat di Kòrsou”.

Ministerio konserní