Klousura di proyekto piloto 'Youth Business Start Up' - Informashon tokante Gobièrnu di Kòrsou

Notisia

Ministerio konserní Desaroyo Sosial, Labor i Bienestar
 

Klousura di proyekto piloto ‘Youth Business Start Up’

Publiká riba 10 Ougùstùs 2018

Willemstad – Ministerio SOAW (of Ministerio di Desaroyo Sosial, Labor i Bienestar) a uni forsa ku Fundashon Negoshi Pikiña den kuadro di e proyekto piloto ‘Youth Business Start Up’.

Ta un proyekto ku a brinda 24 hóben adulto ku ta inskribí na SOAW, e oportunidat pa sigui un kurso básiko di hasi negoshi pa un periodo di 4 luna.
Partisipantenan a haña temanan manera merkadeo, kon pa hasi invershon ets. Tambe nan a hasi e parti práktiko, kaminda ku nan a haña tarea pa bende nan mes produktonan durante ‘Kings Night’ i Dia di Rei, ku tabata un éksito rotundo.

E kurso aki sigur a yuda forma e hóbennan ku tin afinidat pa hasi negoshi i/of ku ke lanta nan mes negoshi. E intenshon ta pa Gobièrnu sigui bini ku proyektonan similar den kooperashon ku otro ministerionan manera MEO na bienestar di klientenan di SOAW.