Publiká riba 05 Febrüari 2024
Willemstad – Ministerio di Maneho di Gobernashon, Planifikashon i Servisio Publiko ta informá ku e Komishon di Hür (Huurcommissie) entrante djamars 13 di febrüari 2024, ta muda di Fort Amsterdam pa Lokèt di Pèrmit na Saliña 127.
Por bishitá Komishon di Hür esta ‘Huurcommissie’ for di 13 di febrüari 2024 na Lokèt di Pèrmit, Eurobuilding, na Saliña pa entrega di petishon nobo òf pa buska informashon di:
* Djaluna te ku djaweps entre 8 or di mainta pa 3 or di atardi
* Djabièrnè entre 8 or di mainta pa 12 or di mèrdia.
Tambe por aserká nos via:
* Number di telefòn 433-3123 òf
* e-mail huurcommissie@gobiernu.cw.
Ta importante pa menshoná den e e-mail bo nòmber kompletu, adrès i e number di telefòn riba kua bo ta alkansabel.
Lokèt di Pèrmit lo tuma kontakto ku tur kliente ku tin un kaso andando pa asina traha un sita ku nan, pa por sigui trata e kaso.
Durante e siman di 5 febrüari te ku 9 di febrüari 2024 Komishon di Hür ku ta na Fort Amsterdam ainda, lo habri solamente di 2 or pa 4 or di atardi.
Di e forma aki Gobièrnu ta sigui mehorá su servisio públiko na komunidat di Kòrsou. Ku e meta pa ta mas aksesibel i agradabel pa yega na tur informashon ku siudadanonan tin mester.
