Komishon pa atende tur keho i idea na Ministerio di ESKD - Informashon tokante Gobièrnu di Kòrsou Bo opinion

Notisia

Komishon pa atende tur keho i idea na Ministerio di ESKD

Geplaatst op 10 January 2018 dor di Ministerio Enseñansa, Siensia, Kultura & Deporte

Un palabrua ta para pa símbolo di sabiduria!

Kada suidadano ku tin idea òf un keho riba tereno di Enseñansa, Siensia, Kultura i Deporte por depositá nan karta di keho den e “Klachten- en ideeënbox” ku a wòrdu establesé (KEIbox) Commissie”, ku ta un komishon ku ta atendé tur keho i idea ku drenta serka nos Ministerio di Enseñansa, Siensia, Kultura i Deporte (ESKD). Gobièrnu aktual ta hiba un maneho di inklushon i ta tumando diferente paso pa garantisá ku tur hòben por hasi uso di nan derechi di bai skol . Alabes gobièrnu ke brinda e oportunidat pa komunidat den su totalidat por duna un aporte na un klima mas agradradabel di formashon. Den kuadro di e liña di maneho aki, Minister di Enseñansa, Siensia, Kultura i Deporte a instalá e komishon “Klachten- en ideeënbox commissie (KEIbox Commissie)” riba 16 di ougùstùs 2017 último. E komishon ta bou di liderasgo di e direktor di e sektor di Ehekushon di Enseñansa i Siensia, sr. Wladimir Kleinmoedig.

Intenshon di e box aki ta pa komunidat por duna sugerensianan kon pa mehorá diferente aspekto riba kampo di Enseñansa, Siensia, Kultura i Deporte, pero tambe ta brinda e posibilidat pa tur hende ku tin keho riba e terenonan menshoná, akudí na e Ministerio ESKD situá na Bonbini Business Center (Schottegatweg Oost 10) i depositá nan karta.

Tumando nota ku nos ta biba den un mundu ku ta digitalisando, tambe tin e oportunidat pa entregá e korespondensia via e-mail: KEIbox.curacao@gmail.com. Ta hasi un supliká pa tur persona identifiká nan mes debidamente di manera ku nan proposishon, idea òf keho por wòrdu tratá.

 

Outornan di e KEIbox: Herta Parabirsing-Balentina en Marilyn Alcalá-Wallé.

Ministerio konserní