Notisia

Willemstad- resientemente CHATA, den persona di sr. Miles Mercera, a tene un presentashon “Ontwikkeling Workforce Hospitality Curaçao” pa e ministerio di Enseñansa ku enfasis riba e oportunidatnan ku ta presentando den e sektor hotelero i ku ta krea kupo di trabou. Den e kuadro aki ta dunando asina tambe kontenido na e ‘Groeistrategie’ pa duna mas tantu hende oportunidatnan nobo den bida. Den e sektor di hospitalidat ta bai habri 2500 kupo di trabou (Marriot, Corendon, Hard Rock, Papagayo etc).

Esaki ta nifiká ku pa enseñansa di fishi SBO, ministerio di Enseñansa ta bai hasi e ahustenan nesesario pa e estudionan di SBO riba diferente nivel su programa pa kumpli ku e nesesidatnan riba merkado laboral. Prinsipalmente e trayekto di “Werkend Leren” ta bai haña mas atenshon. Minister Marilyn Alcalá-Wallé a duna lus bèrde pa e sektor di Enseñansa kuminsá ku un proyekto piloto pa “Werkend Leren SBO”. Alabes a kòrda riba e alumnonan tambe di AGO, ku mester tin oportunidat riba merkado laboral. Den e kuadro aki alabes a akordá ku nos hobennan ta haña mas oportunidat pa kore stazje/pasantia.

Esaki ta un bon preparashon pa duna nos komunidat mas oportunidat!

*****************************************************************************

MAS NOTISIA

Ministerio konserní: Enseñansa, Siensia, Kultura & Deporte