Geplaatst op 07 April 2019 dor di Ministerio Enseñansa, Siensia, Kultura & Deporte
Kiko ta Kondekorashon Krus di Mérito? Krus di Mérito Kòrsou ta un kondekorashon instituí pa Gobièrnu di Kòrsou, pa duna rekonosimentu na personanan ku a desplegá aktividatnan meritorio, den un forma partikular, pa komunidat di Kòrsou.
Ken por presentá un kandidato? Tur suidadano adulto, ku nashonalidat hulandes i establesé na Kòrsou òf organisashon establesé na Kòrsou por presentá kandidato pa bira nominado i asina entrega e petishon.
Kriterionan pa kandidato pa risibí Kondekorashon Krus di Mérito:
E kandidato mester biba na Kòrsou;
E kandidato mester ta riba 50 aña di edat;
E mester ta di un komportashon ehemplar;
Aparte di su trabou, el a okupá su mes ku aktividatnan ehemplar i na bienestar di nos komunidat, durante di un periodo di mínimo 5 aña;
Mester tin prueba di e efektonan di e aktividatnan den nos komunidat.
Komishon di Kondekorashon
Komishon di Kondekorashon Krus di Mérito ta konsistí di 9 persona, ku ta asesorá Kolegio Ehekutivo den e tareanan pa selektá e kandidatonan pa nominashon. E komishon ta hasi esaki basá riba e kriterionan stipulá.
Tene kuenta ku por entrega formulario pa nominado pa Krus di Mérito entre 8 aprel i 3 mei 2019. Por entrega e formulario te ku 3 mei 2019, eksklusivamente na sektor di Deporte i Kuktura. Pa mas informashon di Krus di Mérito pa e aña aki por ‘download’ e foyeto informativo aki: Foyeto Krus di Mérito 2019 i tambe por ‘download’ e formulario pa presentá un kandidato aki: Formulario Krus di Mérito 2019 alabes por ‘download’ e komunikado Krus di Mérito 2019.
Krus di Mérito Kòrsou, ta e manera ku Kòrsou ta rekonosé dignamente su baluartenan, durante di nan bida!
