Notisia

WILLEMSTAD –  Riba dia di Bandera 2 yüli próksimo, Gobièrnu di Kòrsou ta bai entregá Krus di Mérito. E aña aki lo ta e di 17 edishon di e entrega di e Krus di Mérito. Gobièrnu di Kòrsou, ta duna rekonosementu na personanan ku a desplegá aktividatnan meritorio, den un forma partikular, pa komunidat di Kòrsou. Krus di Mérito Kòrsou, ta e manera ku Gobièrnu di Kòrsou ta rekonosé dignamente su baluartenan.

Si bo ta un persona mayor di edat, di nashonalidat hulandes i ta biba na Kòrsou bo ta bin na remarke pa bo presentá un kandidato. Pa presentá kandidato mester yena un formulario ku algun dato di bo mes i informashon amplio i balioso di e persona ku bo ta presentá. E informashon di e nominado mester ta di taip.

Tene kuenta ku e periodo ku por presentá un kandidato ta di 1 pa 30 aprel 2020. Por entregá e formularionan pa mas tarda 30 aprel 2020, eksklusivamente na Sektor di Kultura i Deporte. Por haña e formulario akí na Ministerio di Enseñansa, Siensia, Kultura & Deporte, Sektor di Kultura & Deporte na Koningin Wilhelminastraat #1 (kaminda antes tabata Kas di Kultura). Tambe por bishitá website di Gobièrnu pa haña tur informashon (www.gobiernu.cw). Durante e temporadanan ku tin Toke de Keda siudadáno por manda un whatsapp na 562-7369 òf 513-7369 òf manda un e-mail na krusdimerito@gmail.com pa por pidi e formulario. E formulario lo keda mandá di forma digital.

Traha na kas riba e formulario i manda esaki bèk pa Sektor di Kultura i Deporte via koreo elektróniko.

Klik aki pa ‘download’ e formulario: FORMULARIO PA PRESENTA UN NOMINADO PA KONDEKORASHON

Klik aki pa ‘download’ e foyeto di Informashon: Foyeto Krus di Merito 2020

Duna rekonosementu na nos mes hendenan ta un aporte importante na patriotismo; E yabi pa logra e Pais Kòrsou ku nos tur ke!

—
KOMUNIKASHON
Ministerio di Enseñansa, Siensia, Kultura i Deporte

https://www.facebook.com/watch/?v=3195292197363297

MAS NOTISIA

Ministerio konserní: Enseñansa, Siensia, Kultura & Deporte