Notisia

Willemstad – Servisio di Tráfiko i Transporte (UOVV) ta informá ku awor su konekshon telefóniko ta funshoná optimal atrobe.  Despues ku e konekshon tabata pa basta dia for di servisio, awor públiko por komuniká ku UO-VV bèk pa un òf otro servisio deseá.
Mesora gerensia di UO-VV ta rekordá tur hende ku nos ta den un temporada drùk i p’esei ta bon pa traha sita i asina evitá aglomerashon.

• E number ku mester yama pa ‘overschrijving’ i registrashon ta 839-2073 òf 839-2137. Tambe por mail na info@uovv@gobiernu.cw pa un sita. No ta nesesario pa manda dokumentonan adelantá, por bini ku nan dia ku tin sita.
• Pa atendé asuntunan di transporte públiko òf eksonerashon pa glas skur por yama na 839-2147 òf 839-2143 òf mail na uovv@gobiernu.cw

Minister Jesus-Leito i gerensia di UOVV ta kontentu ku e servisio ta aksesibel telefónikamente atrobe. Na mes momento ta pidi diskulpa pa kualke inkumbinensia ku esaki por a kousa i ta gradisí tambe pa e pasenshi desplegá. Yama traha bo sita i ora ta akudí na e servisio mantené bo mes na reglanan di higiena.

MAS NOTISIA

Ministerio konserní: Tráfiko, Transporte i Planifikashon Urbano