Konferensia di Inspekshonnan di Enseñansa
Publiká riba 14 Novèmber 2023
Inspekshonnan di Enseñansa di Reino a tene nan konferensia anual na Kòrsou
WILLEMSTAD – E aña aki e konferensia anual di Inspekshon di Enseñansa den Reino a tuma lugá na Kòrsou dia 13, 14 i 15 di novèmber 2023. E ultimó 10 añanan a tene e konferensia kuater bes na Aruba, kuater bes na Sint Maarten, un bes na Hulanda, un bes na Boneiru i e aña aki pa di sinku bes na Kòrsou. Pa motibu finansiero e frekuensia a kambia di dos bes pa aña pa un bes pa aña.
Tin kambio den e grupo di inspektornan di Hulanda Karibense, Aruba, Sint Maarten i Kòrsou. Pa e motibu aki e konferensia su obhetivo tabata pa será konosí mas mihó ku otro i kompartí konosementu i eksperensia den e grupo. A duna un introdukshon den situashon di práktika di e diferente organonan di Inspekshon. E ángulo tabata kuido di kalidat interno den propio organisashon. A haña un bista di similaridat i diferensha entre e kuater Inspekshon pa loke ta trata kuido di kalidat interno.
E inspektornan di Aruba, Sint Maarten i e islanan BES a haña oportunidat pa eksperensha bishita na un instituto i observá aktividatnan den SBO, komo parti di trabou di Inspekshon di Enseñansa Kòrsou. E inspektornan a kompartí resultado di nan observashon i a haña un bista di similaridat i diferensha den e manera ku ta atendé ku bishita di un instituto. Tambe a duna komentario riba e lista pa observashon ku ta usa. E di tres dia e inspektornan a diskutí tokane un posibel kuadro di evaluashon di kalidat Karibense relashoná ku “Landenpakket”.
