Publiká riba 07 Novèmber 2018
Ssegun e Ordenansa di Lei pa Enseñansa di Fundeshi di 14 novèmber 2008, artíkulo 17, kada skol di Enseñansa di Fundeshi tin un Komishon di Mayor. E Komishon di Mayor tin komo tareá pa promové e kolaborashon entre e skol i mayornan. Esaki ta sosodé pa medio di diferente aktividat. Gobièrnu su empeño ta pa tur skol di Fundeshi tin su propio Komishon di Mayor pa mayornan ta mas enbolbí den edukashon i formashon di nan yunan. Ainda esaki no ta e kaso.
Un desaroyo nobo den Enseñansa di Fundeshi i ku Minister Marilyn Alcalá-Wallé ta apoyá, ta echo ku alumnonan mes ta sali pa nan derechi. Den e kaso aki alumnonan di Dividivischool a skohe nan propio Konseho di Alumno pa promé biaha den historia, ku e meta pa representá e alumnonan di e skol menshoná. E Konseho di Alumno tin komo meta pa duna konseho na skol riba diferente tópiko, solisitá informashon di e skol kaminda ta nesesario i duna alumnonan informashon i splika e trabounan ku nan ta realisá komo Konseho di Alumno.
E tim di skol a invitá Minister Alcalá-Wallé pa pasa i sera konosí ku e Konseho di Alumno ku ta bai den historia komo esun promé mará na un skol di enseñansa di fundeshi di un skol speshal aki na Kòrsou.
Riba e foto por mira Minister huntu ku kabes di skol sr. Isidora i e maatschappelijk werker ku a guia e proseso pa yega na un Konseho di Alumno demokrátikamente skohé pa medio di un elekshon eskolar.
