Publiká riba 04 Yüni 2019
WILLEMSTAD- Gobernador S.E. Lucille George-Wout ta tene kontakto regular ku Konseho di Konsulta den kuadro di su funshon komo presidente di e konseho. Konsekuentemente dia 4 di yüni a tuma lugá un enkuentro ku miembronan di konseho, entre nan visepresidente sra. mr. Lizanne Dindial, den Palasio di Gobernador. Durante di e enkuentro akí a interkambiá di idea tokante di asuntunan di legislashon i gobernashon.
E tarea núkleo di Konseho di Konsulta ta duna konseho tokante di asuntunan di legislashon i gobernashon. Gobièrnu – obligatoriamente – ta skucha Konseho di Konsulta tokante di por ehèmpel proyektonan di lei ku ta presentá na Parlamento i proyektonan di dekreto gubernamental, konteniendo medidanan general, ku e tin intenshon di stipulá. Ademas, Konseho di Konsulta ta konsehá Parlamento tokante di proyektonan inisiativo di ordenansa sentral promé ku ta bai trata nan. E konsehonan i informashon general di Konseho di Konsulta ta riba www.raadvanadvies.cw.
