Publiká riba 14 Òktober 2026
Willemstad – Ku bista riba e Dia Oropeo kontra Trafikashon di Hende, riba 18 di òktober, PATH a presentá e resultadonan di un promé investigashon na Konseho di Minister. E investigashon ta duna un bista di e situashon di transporte i trafikashon ilegal di hende na Kòrsou. E ta mustra kon grandi e problema ta i kon e ta tuma lugá.
PATH ta un unidat den Ministerio di Hustisia ku ta traha pa kombatí transporte i trafikashon ilegal di hende.
E investigashon ta un paso importante pa komprondé e problema mihó i pa sa unda Kòrsou ta pará aktualmente. E rapòrt ta mustra e riesgonan i kon e organisashonnan ta aktua pa atendé ku e problema. Esaki ta sirbi komo un punto di salida pa determiná kiko mester mehorá i pa midi progreso den futuro. Ku e informashon aki, Gobièrnu por planifiká akshonnan pa kombatí e práktikanan aki i protehá víktimanan mihó.
PATH a risibí yudansa di diferente partner, manera Kuerpo Polisial, Divisie Georganiseerde Criminaliteit (DGC), Servisio di Imigrashon, Ministerio Públiko, Warda Kosta, Justitiële Zorg, de Internationale Organisatie voor Migratie (IOM), Stichting Maatschappelijke Zorg en Herstel, Salu pa Tur, Cura+ Sexual Health Foundation i miembronan di Kuerpo Konsular di Kòrsou.
