Konseho di Minister ta risibí bishita di e tim di “Kiko i e Man” - Informashon tokante Gobièrnu di Kòrsou

Notisia

Hustisia
 

Konseho di Minister ta risibí bishita di e tim di “Kiko i e Man”

Publiká riba 18 Novèmber 2026

Willemstad-Riba djárason, 18 di novèmber 2026, Konseho di Minister a risibí bishita di Ministerio di Hustisia i e tim di “Kiko i e Man”.

Na aña 2024 Ministerio di Hustisia a lansa un kampaña nashonal pa prevenshon, edukashon i konsientisashon di seguridat di mucha yamá, “Kiko i e Man”. Awe, riba e fecha ku ta selebrá 2 aña di e kampaña i alabes Dia Mundial pa Prevenshon i Konsientisashon tokante Abusu Seksual, Eksplotashon i Violensia Kontra Mucha, “Kiko i e Man” a hasi entrega di e Tratado di Derecho di Mucha na papiamentu na Konseho di Minister.

Ministerio di Hustisia a laga tradusí e tratado na papiamentu i hinka esaki den un buki spesial pa muchanan. E meta ta pa e buki drenta skolnan i alabes kada mucha tin un kopia i asina siña mas tokante derechonan di mucha.