Publiká riba 16 Sèptèmber 2026
WILLEMSTAD – Riba djárason, 16 di sèptèmber 2026, Konseho di Minister a risibí un presentashon di United Nations Development Programme (UNDP) tokante aktualisashon di e ‘National Development Plan’ (NDP) di Kòrsou. Represante residente di e ‘UNDP Multi-Country Office’ pa Trinidad i Tobago, Aruba, Kòrsou i St. Maarten sr. Ugo Blanco a duna e presentashon huntu sr. Javier Bronfman, Senior Consultant na UNDP. Nan tabata akompañá pa e Sekretario General di Ministerio di Desaroyo Ekonómiko, sr. Luelo Girigorie.
Durante di e presentashon a informá e ministernan tokante e aktualisashonnan proponé di e ‘National Development Plan 2015 (NDP)’. NDP ta sigui konstruí riba e vishon di futuro pa Kòrsou ku Konseho Insular a adoptá na aña 2006 i ta proveé un kuadro riba término largu pa desaroyo sostenibel di pais.
Huntu ku sr. Ugo Blanco, hefe di delegashon i sr. Javier Bronfman, Senior Consultant na UNDP tambe tabata presente sr. Luelo Girigorie Sekretario General di Ministerio di Desaroyo Ekonómiko, Isele Robinson-Cooper, Ana Hernandez i Makesi Peters miembronan di delegashon di UNDP.
