Konsepto di skol amplio Papa Cornes por fungi komo un modelo pa Kòrsou. - Informashon tokante Gobièrnu di Kòrsou Bo opinion

Notisia

Konsepto di skol amplio Papa Cornes por fungi komo un modelo pa Kòrsou.

Geplaatst op 19 October 2018 dor di Ministerio Enseñansa, Siensia, Kultura & Deporte

Willemstad- Durante su bishita kortiku na isla ruman Bonaire, Minister di Enseñansa, Siensia, Kultura i Deporte sra. Marilyn Alcalá-Wallé a haña un rekorido na Skol Amplio Papa Cornes kaminda e formashon pre-eskolar, eskolar i formashon despues di skol tur ta uní den un sentro kaminda ta sali for di e konsepto di maneho integral pa formashon di e muchanan. Tin diferente fasilidat presente ku ta importante pa e mucha su desaroyo manera un “Green House”, diferente juguete grandi, biblioteka, espasio pa hunga i mas.

Direktor di e skol juf. Patricia Angela huntu ku su adjunct juf. Charlotte Dortalina a guia Minister Alcalá-Wallé na e skol ku resientemente gobièrnu Boneriano a laga konstruí. E modelo di Skol Amplio Papa Cornes por fungi komo modelo pa Kòrsou.

 

Ministerio konserní