Notisia

Willemstad – Minister Charles Cooper huntu ku e Servisio di Planifikashon Urbano (ROP) a otorgá ofishalmente un pèrmit di konstrukshon na Gran Canari Development Company B.V., pa mas bibienda den e área di Jan Sofat.

Konstrukshon di 28 apartamentu ta repartí den 6 blòk di edifisio, pa ta mas spesífiko 4 blòk di 3 piso i dak terras, i 2 blòk di 2 piso. E kompleho aki ta akompaña di área di parker i tambe diferente aktividat di entretenimentu manera gym, sauna. Konstrukshon aki ta situá na Jan Sofat, bou di kadastrale nummer 8-A-20 i tin 13mil meter kuadrá disponibel pa e kompleho, E proyekto ta kuminsá pronto i esaki lo terminá kompletu den 2027. E ta konta ku un invershon di 50 mion florin.

E proyekto aki ta marká un kontribushon den nos ekonomia, dor di kreashon di trabou durante e fasenan di e konstrukshon.