Konsulta bipartit den kuadro di IPKO na Kas di Kòrsou - Informashon tokante Gobièrnu di Kòrsou Bo opinion

Notisia

Konsulta bipartit den kuadro di IPKO na Kas di Kòrsou

Geplaatst op 24 June 2019 dor di Ministerio Asuntunan General i Promé Minister

DEN HAAG – E delegashon parlamentario di Kòrsou i Aruba a topa otro awe na Kas di Kòrsou pa un konsulta bipartit relashoná ku e Konsulta Interparlamentario den Reino, IPKO. Durante e konsulta akí a papia ekstenso riba e proposishon pa un lei di Reino tokante Areglo di Disputa. E partidonan ta di akuerdo ku otro ku nan, inkluso Sint Maarten, ta riba un liña relashoná ku e echo ku e proposishon no ta kumpli ku e kondishonnan manera formulá den e moshon Van Laar ku Tweede Kamer a aseptá na 2016. Esaki ta enserá ku un órgano independiente mester duna un konseho ku ta mara partidonan den kaso di disputanan nétamente hurídiko.

E delegashonnan ta di akuerdo ku otro ku e proposishon di un lei di Reino riba un Areglo di Disputa den e forma aktual ku e ta formulá, no ta konta ku sosten amplio. Durante tratamentu di e proposishon di lei riba Areglo di Disputa, e delegashon di Aruba lo entregá un amienda pa remediá diferente omishon. E delgashon di Kòrsou lo no entregá un amienda, pero lo sostené e trayekto ku delegashon di Aruba ta aspirá pa entregá un amienda pa kambia e proposishon aktual di e lei di Reino.



Ministerio konserní