Publiká riba 12 Sèptèmber 2025
WILLEMSTAD – Riba djabièrnè 12 di sèptèmber 2025, Promé Minister Gilmar Pisas a tene un reunion ku gerensha di Curaçao Gaming Authority. E reunion a sirbi pa diskutí situashonnan aktual den sektor di wega di azar riba nos isla. Durante e enkuentro a trata asuntunan importante tokante dunamentu di lisensia na kompanianan i otro temanan relevante pa ku supervishon i sistema di manteshon.
Promé Minister Pisas a enfatisá ku e ta pone hopi atenshon riba e sektor akí i ku un bon sistema di kontrol ta esensial pa garantisá un maneho transparante.
E ta gradisí e esfuerso di Curaçao Gaming Authority pa keda alerta riba tur desaroyo di forma ku por sigui tene Promé Minister kontinuamente informá, pa asegurá ku gobièrnu ta tuma desishonnan ku ta benefisiá komunidat i ekonomia di Kòrsou.