Koreo elektróniko pa eks-studiantenan relashoná ku DUO ta operashonal - Informashon tokante Gobièrnu di Kòrsou Bo opinion

buska un dokumento

  • Home »
  • nieuw »
  • Koreo elektróniko pa eks-studiantenan relashoná ku DUO ta operashonal

Notisia

Kategoria

Ministerionan

Archivo

Kompartí e página aki

Imprimi

Koreo elektróniko pa eks-studiantenan relashoná ku DUO ta operashonal

Geplaatst op 26 July 2019 dor di Ministerio Enseñansa, Siensia, Kultura & Deporte

Willemstad- Manera ta konosí, resientemente un grupo grandi di eks-studiante i alabes debedornan di DUO, a hasi un keho públiko kontra di Dienst Uitvoering Onderwijs (DUO) via medionan di komunikashon pa loke ta trata e manera kon DUO ta realisá e kobransa di e debenan di estudio pa lokual ta trata e eks-studiantenan na Kòrsou.

E grupo aki durante un enkuentro riba djaweps 18 di yüli último a urgi Minister di Ensenansa, Siensia, Kultura & Deporte (ESKD), señora Marilyn Alcalá-Wallé pa duna nan sosten, yudansa i intermediashon den e forma agresivo i deskriminatorio ku DUO ta hasi kobransa di e debenan di estudio. Gobièrnu di Kòrsou no tin relashon direkto ku DUO, pero ta realisá sí ku mester di intervení den e práktikanan di DUO. E echo alabes ku na Kòrsou no tin un DUO-helpdesk ta difikultá e proseso pa duna informashon na midí. Gobièrnu di Kòrsou no tin akseso tampoko na e atministrashon di DUO.

Pa fasilitá e proseso di duna keho i sugerensia, Minister Alcalá-Walle a primintí eks-studiantenan ku ta habri un koreo elektróniko kaminda nan por akudí ku nan kehonan i sugerensianan.

E mailadrès ta lo siguiente: owcshelpdeskduo@gmail.com.

Ministerio konserní