Kòrsou ban selebrá nos Karnaval 2020 den Goso Harmonia i na Tempu!
Publiká riba 21 Febrüari 2020
WILLEMSTAD – Den temporada di Karnaval Pueblo di Kòrsou a demostrá ku nos por biba e balornan Dinamismo, Union, Kolaborashon i Alegria. Esakinan ta algu ku ta típiko di nos pueblo i ku ta hasi nos E dushi hendenan ku nos ta. For di aki ta bai un yamada na nos pueblo pa ban halsa huntu e balornan Pas, Kuido, Harmonia, Responsabilidat i Toleransha pa nos Karnaval keda den bon ambiente i pa nos tin un Karnaval sigur pa nos tur.
Gobièrnu di Kòrsou ta hasi un yamada spesial na pueblo pa praktiká e balor Puntualidat ku ta laga nos Karnaval lusi muchu mas pa nos mes i pa mundu henter. Trailer-, Trèker-, Organisadó-, kolaborador-, Gruponan, pueblo ku ta apoyá kantu di kaminda, ban tene debido kuenta ku e orarionan stipulá pa kada marcha sali i drenta. Un pueblo ku ta karga su balornan na haltu ta un pueblo ehemplar i den temporada di Karnaval nos balnonan tambe mester haña nan lugá i keda bibá.
Minister di Enseñansa, Siensia, Kultura & Deporte Sr. E.Rhuggenaath ta invitá nos pueblo pa ban gosa di nos karnaval den harmonia i na tempu i ta deseá pueblo kompleto
Un tremendo Karnaval 2020!
